அஞ்சுவோம் அடிபணிவோம்: நேசம் ......

Thursday, October 11, 2012

நேசம் ......

*****************************************

அஸ்ஸலாமு அலைக்கும் வபஹ்மத்துள்ளாஹி வபரக்காத்துஹூ ..

நேசம் ......

எவரிடம் மூன்று தன்மைகள் அமைந்துவிட்டனவோ அவர் ஈமான் எனும் இறைநம்பிக்கையின் சுவையை உணர்ந்தவராவார். (அவ

ை) அல்லாஹ்வும் அவனுடைய தூதரும் ஒருவருக்கு மற்றெதையும் விட அதிக நேசத்திற்குரிய வராவது, ஒருவர் மற்றொருவரை அல்லாஹ்வுக்காகவே நேசிப்பது, நெருப்பில் வீசப்படுவதை வெறுப்பது போல் இறை நிராகரிப்புக்குத் திரும்பிச் செல்வதை வெறுப்பது 'என்று இறைத்தூதர் (ஸல்) அவர்கள் கூறினார்கள்: என அனஸ் (ரலி) அறிவித்தார் (ஸஹீஹுல் புகாரி:.. 16)

இம்மூன்று பண்புகளும் ஈமானியப் பண்புகளில் மிக உயர்ந்தவையாகும் அவற்றைப் பூரணப்படுத்துபவர் ஈமானின் இனிமையையும் சுவையையும் பெற்றுக் கொள்வார்.
உணவும் பானமும் நாவினால் சுவைக்கப் படுவது போன்று உள்ளத்தினால் சுவைக்கத் தக்க இனிமை ஈமானுக்கு உண்டு. உடலுக்கு உணவைப் போன்று ஈமான் உள்ளத்திற்கு உணவாக உள்ளது. உடல்ஆரோக்கியமாக இருந்தாலே அது உணவின் சுவையை அனுபவிக்கும். நோயுடன் சுவையை அனுபவிக்க முடியாது.
மட்டுமின்றி சில வேளைகளில் அது உடலுக்கு கேடுவிளைவிக்கக் கூடியதாகவும் மாறலாம். அவ்வாறு தான் உள்ளமும். அது நோய்களிலிருந்து ஆரோக்கியமாக இருக்கும் போதே ஈமானின் சுவையை அனுபவிக்கும். வழிகெட்ட மனோ இச்சை, ஹராமாக்கப்பட்ட ஆசைகள் போன்ற நோய்களிலிருந்து அது ஆரோக்கியமாக இருக்கும்
போது ஈமானின் சுவையை நுகரும். எப்போது உள்ளம் நோய்வாய்ப்படுகிறதோ அந்த சந்தர்ப்பங்களில் அதனால் ஈமானின் சுவையை நுகர முடியாது.

மாறாக அழிவையே அது சந்திக்கும் எனவேதான் ஒருவன் மூமினாக இருக்கக் கூடிய நிலையில் விபச்சாரம் செய்ய மாட்டான் என்று நபி (ஸல்) அவர்கள் கூறினார்கள். ஏனெனில் அவனுடைய ஈமான் பூரணமானால் ஈமானின் சுவையை அவன் அனுபவிப்பான் அப்போது ஹராமிலிருந்து அவன் தன்னைப் பாதுகாத்துக் கொள்வான்.

அல்லாஹ்வுக்காக நேசிப்பது என்பது ஈமானின் அடிப்படைகளில் உள்ளதும் அதன் படித்தரங்களில் உயர்ந்ததுமாகும். நபி (ஸல்) அவர்களிடம் ஈமானில் மிகவும் சிறந்தது எது என வினவப்பட்டபோது, நீ அல்லாஹ்வுக்காக நேசிப்பதும் அவனுக்காக கோபிப்பதும் அல்லாஹ்வுடைய நினைவில் உனது நாவை ஈடுபடுத்துவதுமாகும் என்று கூறியதாக முஆத் இப்னு அனஸ் அல் ஜுஹனீ (ரலி) அவர்கள் அறிவிக்கின்றார்கள்.

மேலும் ஓர் அடியான் அல்லாஹ்வுக்காக நேசித்து அவனுக்காக கோபிக்காத வரையில் அவன் ஈமானின் தெளிவான நிலையை அடைய மாட்டான். யார் அல்லாஹ்வுக்காக நேசித்து அல்லாஹ்வுக்காக பகைக்கின்றானோ அவன் அல்லாஹ்வின் நேசத்திற்குரியவனாக மாறுகிறான் என்றும் நபி (ஸல்) அவர்கள் கூறுகிறார்கள். அறிவிப்பவர்:
அம்ர் இப்னு ஜமூஹ் (ரலி), நூல்: அஹமத்

ஈமானின் மிக உறுதியான நிலை அல்லாஹ்வுக்காக நேசித்து அல்லாஹ்வுக்காகக் கோபிப்பது என்று நபி (ஸல்) அவர்கள் கூறினார்கள். அமல்களில் சிறந்தது அல்லாஹ்வுக்காக நேசிப்பது, அல்லாஹ்வுக்காக கோபிப்பது என்று நபி (ஸல்) அவர்கள் கூறினார்கள். அறிவிப்பவர்: அபூதர் (ரலி) நூல்கள்: அஹ்மத், அபூதாவூத்.
யார் அல்லாஹ்வுக்காக நேசித்து, அவனுக்காக பகைத்து மேலும் அவனுக்காக கொடுக்கிறாரோ அவர் ஈமானைப் பூரணப்படுத்தியவராவார் என்று நபி (ஸல்) கூறினார்கள்.
அறிவிப்பவர்: அபூ உமாமா (ரலி) நூல்:. அஹ்மத்

இந்தப் பண்பு முந்தைய பண்பைத் தொடர்ந்து வரக்காரணம் என்னவெனில் யார் அல்லாஹ்வையும் அவனது தூதரையும் ஏனைய அனைத்தையும் விட அதிகமாக நேசிக்கிறாரோ அவரது அனைத்து நேசரும் அல்லாஹ்வுக்காகவே அமைந்துவிடும். இதனால் அவரது கோபம், நேசம், பகையை அனைத்துமே அல்லாஹ்வுக்காக அமைந்துவிடும்.

எனவே அல்லாஹ் நம் அனைவருக்கும் நல்லருள் புரிவானாக ஆமீன் ..

அஹமட் யஹ்யா ...
ஹொரோவபதான ..
அனுராதபுரம்
இலங்கை
*************

No comments:

மாற்றலாமே.....

நேற்றைய வார்த்தைகள் இன்றைய செயல்கள்
இன்றைய செயல்கள் நாளைய மனப்பான்மைகள்

இன்றய மனப்பான்மைகள் நாளைய குணங்கள்
இன்றய குணங்கள் தாம் அவருடய நாளைய விதி!
எனவே ஆரோக்கியமான, வளர்ச்சியடையக்கூடிய மனநிலையை நாம் வளர்த்துக் கொண்டோம் என்றால் உறவுகள் இலேசில்
புளித்துப் போகாது. ஐஸ்கிரீம் கலந்த அன்பு பேச்சுகள் எளிதில் அலுத்துப் போகாது

இறந்த காலம்......அது சென்று விட்டது அந்த காலப்பகுதியில் ஏதோ செய்தோம்
______________________________________________
* நமது பேச்சுக்கள் மூலம்,
* நமது நடத்தைகள் மூலம்,
* நமது எண்ணங்கள் மூலம்,
* நமது நோக்கங்கள் மூலம்,

(நானும் கூட சென்ற காலங்களில் அப்படித்தான்
இன்ஷா அல்லாஹ் ,,அல்லாஹ் என் பக்கம்.)

நிகழ் காலம்......அது இப்போது நாம் இருந்து கொண்டிருக்கின்றோம். இக் காலப் பகுதியில் ஏதோ செய்கிறோம்.
________________________________________________
* நமது தகாத பேச்சுக்கள் மூலம்,
* நமது தகாத நடத்தைகள் மூலம்,
* நமது தகாத எண்ணங்கள் மூலம்,
* நமது தகாத நோக்கங்கள் மூலம்,

(இக்காலப் பகுதியில் நான் என்னை மாற்றிக் கொண்டேன் ... அல்லாஹ் போதுமானவன்.)

எதிர் காலம்.....அது வர இருக்கும் காலம் ..அதாவது அடுத்த நிமிடம், நாளைய தினம். இக்காலப் பகுதி எல்லோருக்கும் கேள்விக் குரியே..
இதில் என்ன செய்வோம்.
_________________________________________________
* நமது பேச்சுக்களை மாற்றுவோம் நல்லதைப் பேசுவோம்.
* நமது நடத்தைகளை மாற்றுவோம் ஒழுக்கத்தை பேணுவோம்.
* நமது எண்ணங்களை தூய இஸ்லாத்தின் எண்ணங்களாக மாற்றுவோம்.
* நமது நோக்கங்களை ஒரே நோக்கமாக ...அல்லாஹ் என்னைப் பாரக்கிறான் நான் அவனைப் பார்க்கா விட்டாலும் அவன் என்னைப் பார்க்கிறான் என்ற நோக்கத்தை செயல் படுத்துவோம்.

(இக்காலம் இன்ஷா அல்லாஹ் என் கையில் கிடைத்தால் நிச்சயம் என்னை மாற்றிக்கொள்வேன்.)
____________________________________________________
இன்ஷா அல்லாஹ் எல்லோரும் இந்த நிமிடம் நம்மை நாம் சிந்திப்போம் அடுத்த நிமிடம் நம் வாழ்க்கையில்
இவைகளை செயல் படுத்துவோம்.

இது ஒரு கருத்தரையாடல் கிடையாது காலத்தின் தேவைகள். நம்மை நாம் மாற்றிக்கொள்வோம்.
அல்லாஹ் எனக்கும் உங்களுக்கும் அருள் புரிய வேண்டும் நல்லதைச்செய்ய வேண்டும்.ஆமீன்.

என்றும் உங்களுடன் அஹமட் யஹ்யா

சிந்தனைக்கு

அஸ்ஸலாமு அலைக்கும் வரஹ்மத்துள்ளாஹி வபரக்காத்துஹூ. இஸ்லாமிய சகோதரர்களே. அல்லாஹ் நமக்கு வளங்கி இருக்கின்ற அருட் கொடைகளை நாம் ஒரு கணம் சிந்திக்க கடமைப்பட்டிருக்கிறோம். மனிதனை அல்லாஹ் அழகிய தோற்றத்தில் படைத்து அவனுக்கு நாளா புறமும் நல்லது எது கெட்டது எது என்பதை விளங்குவதற்காக மிருக்த்திலிருந்து வேறுபடுத்தி ஆறு அறிவைக்கொடுத்து அதந் மூலம் எல்லாவற்றையும் சிந்திக்க வைத்திருக்கிறான் என்றால் இது எவ்வளவு பெரிய அருட் கொடை என்பதை நாம் சிந்திக்க வேண்டும். அது அல்லாமல் மனிதந் இன்று கண்டதே காட்சி கொண்டதே கோலம் என்று மனிதன் தன் வாழ்க்கையை ஒவ்வொரு வினாடியும் ஓட்டிச்செல்கிறான் என்றால் நாம் இதைக் கண்டிப்பாக கவலைப்படக் கடமைப்பட்டு இருக்கிறோம்.

என்னைப் பற்றி சில

நான் இலங்கை வட மத்திய மாகாணம் அனுராதபுரம் மாவட்டத்தைச் சேர்ந்த ஹொரோவபதான எனும் தொகுதியில் ஆணைவிழுந்தான் எனும் கிராமத்தில் . தந்தை அஹமட் என்பவருக்கும், தாய் ஜைனப் என்பவருக்கும் மகனாகப்பிறந்த புதல்வன் அஹமட் யஹ்யா என்ற நான் உலகக் கல்வியை O/L வரைக்கும் படித்து மார்க்கக்கல்வியைப் பயில வேண்டும் என்ற நல்லெண்ணத்தோடு 8 வருடங்கள் மார்க்கத்தை படித்திருக்கிறேன். அல்லாஹ்வின் உதவியால் மார்க்கம் தூய வடிவில் மக்களுக்கு போய்ச் சேர வேண்டும் அல்லாஹ் ஒருவன் நபி காட்டிய வாழ்க்கை , அல்குர்ஆன் அல் ஹதீஸின் அடிப்படையில் அமைய வேண்டும் இதுதான் மார்க்கம் என்பதை உணர வேண்டும் நாளை மறுமையில் எல்லோரும் சுவனம் நுழைய வேண்டும் என்ற கோட்பட்டில் பேஸ்புகில் அறிமுகமாகி தற்பொழுது புலோஜர் என்ற தளத்தில் கால்வைத்துள்ளேன். அல்லாஹ் மேலும் உதவி செய்வான் என்பது என் ஆழமாக நோக்கம். ............................................................. என் நோக்கம் இஸ்லாமிய பற்றுள்ள சமூகத்தைக்கட்டியெழுப்ப வேண்டும்.நம்பிக்கை,நாணம்,நற்பண்பு,நல்லொழுக்கம் போன்ற சமூகத்தை கட்டியெழுப்பி.....குரோதம்,விரோதம்,பகை,போன்ற தன்மைகலை ஒழித்து வாழும் காலமெல்லாம் நண்பர்கள் என்ற பட்டியலில் அல்லாஹ்வுக்காக நேசம் வைத்து அவைகளுக்கு மத்தியில் பகை ஏற் பட்டால் அல்லாஹ்வுக்காக பிரிகின்ற நண்பர்களாக வாழ்வதற்கு மிகுந்த ஆவல் கொண்டு என் பயணத்தை வழி நடத்துகின்றேன். அல்லாஹ் எனக்கும் உங்களுக்கும் முஸ்லிம் சமுதாய ஆண் பெண் இரு பாலாருக்கும் நல்லருள் புரிவானாக என் ற பிராத்தனையோடு இச்சிறு குறிப்பை முடித்து விடை பெறுகிறேன் வஸ்லாம் ............என்றும் அன்புடன் அஹமட் யஹ்யா